想係加拿大成為IT人?加拿大搵IT工作真的好難嗎?

Date:

熟悉這行頭的人,都知道這幾年IT業發展很快,雖則近來Twitter比Elon Musk大舉炒人,其他IT巨企當然借勢跟風,為公司節省一下資源,領下功勞,這也是人之常情,但無論如何,各行各業仍然對IT人才需求持續上升,特別在Covid中後期,大家都明白對電腦的重視,你看今天銀行TD BANK,BMO,全都推電子付款呀,網上銀行呀,引你去下載手機應用程式,你想像一下,這些APPS背後,是不是需要一個IT團隊去開發和維護?仲有無限量既PHASE 1,PHASE 2,PHASE 3………..

做左這個行業十多年,由一位微不足道的Programmer,慢慢打上去Solution Architect,之後再攪埋Startup,做企業IT培訓,有成功,有失敗,但無論如何,見盡IT週期化變遷,無論在香港,新加坡,加拿大,都是一樣,IT發展依然無停止過,好多朋友問,現在仲應唔應該入行呀?我的回答通常都比較衰同直接:「沒有應唔應該,係你適唔適合。」IT工作真的很廣闊,到現在,還是有些上等人認為,所有IT人都是一式一樣,整影印機又關事,整電話又係佢,連燈泡壞左都要搵IT人攪,呢種現象已屢見不鮮,見怪不怪,因為IT真的真的真的很廣闊。

從由中文大學畢業,讀果科叫IEE,要解釋比朋友知都有點複雜,有人以為是「微軟贊助 -_-」,又有人以為是同電機有關,Well,簡單來介紹,呢科創系既應該係尊敬的高錕,沒有他,沒有IEE,也沒有今天的互聯網,所以當其時所學的,真的很廣闊,由光纖的結構,到電路板設計,程式設計,Java (記住,JAVA同JAVASCRIPT係兩件事!!!),C#寫遊戲,C++寫到想嘔既LOW LEVEL程式,到學密碼學Cryptography (當其時,真係唔知學來做乜,現在真的要多謝佢,這個Foundation幫助我在過去幾年係唔同企業教左幾萬位學生),仲有當然就係演算法Algorithm,那些年要去計Probability,真的攪佢唔掂,但今天攪人工智能AI,冇左呢個基礎,就真係攪唔掂……仲有好多好多野學左,真係唔好隨口話,讀大學冇用,真係睇你有冇去用。

回到主題,咁係加拿大搵IT工難唔難架?坦白說,如果你是走軟件開發或網站或手機APPS,基本上,你可以話一定搵到工,前提係你應該要有基礎英語溝通能力,所謂的基礎,如果要標準化,IELTS拎到7,問題應該不大,再加上你真材實料,真的懂得那個Domain Knowledge,例如攪開WordPress,冇理由連改下個Theme同Plugin都唔識?如果你用開AWS,又冇理由唔識Route 53,起個EC2都攪唔掂?如果你話要入我間公司做Blockchain Developer,又無理由連ERC721,ERC1155有咩分別都分唔到,我所講的真材實料,係最少你要尊重你過去所學的,成為半個專家,再重申,IT是一門專業,不是咩都識,但要識的就一定要識。

所以,過去我真的沒有花什麼時間在寫CV,攪好份RESUME,點樣去TECHNICAL INTERVIEW上,因為過左30歲後,我冇再去搵過IT工作,只會有人係LinkedIn邀請,有興趣就做,冇興趣就唔好做,好似好串,但問心,如果做一份自己都唔喜歡的工作,你對得起你的專業嗎?

最後兩句,世界不斷教你去討好別人,我還是認為,不如花更多時間裝備自己,係GitHub做多幾個項目,有料既,好工作自然來。

加油,朋友們。

Anson Tang (IT移加隨筆專欄)

BcEditorhttps://bctour.org
希望為大家提供最多屬於BC省最有用的資訊,歡迎與我們聯絡及分享最新有趣及有用的資料,如有合作機會,也可以通過電郵聯絡: info@bctour.org

LEAVE A REPLY

Please enter your comment!
Please enter your name here

Share post:

Subscribe

spot_img

Popular

More like this
Related

如何在溫哥華找到一份好工作?

事實上,如果你剛來到溫哥華,要直接入這些大公司,可能不是這麼容易,當然你還是可以嘗試,但身邊很多朋友的經歷,都是先從一些兼職開始,感受一下在加拿大的工作體驗,再一步一步進入大公司,找到一份高收入的安穩工作

維多利亞一日遊!溫哥華必去景點

溫哥華和多倫多一個最大不同之處,就是溫哥華比較多山水景點地方,溫哥華島嶼,維多利亞Victoria,都是比較多遊客去旅遊的地方,今次就等小編帶大家認識一下BC維多利亞,如何乘坐溫哥華島渡輪

加拿大上網費貴,網速比較慢,如何更有效用Zoom?

很多朋友來到加拿大,都要繼續用Zoom與世界各地開會,可能是REMOTE工作,在家工作WORK FROM HOME,又有可能是繼續在香港教學

什麼是雪胎 (Winter Tire)? 原理如何?

冬天來了,隨之而來的是寒冷和結冰的道路,在加拿大這個季節,保持安全的最好方法是為你的汽車配備最好的冬季輪胎。很多朋友初來加拿大,都是第一次聽說「雪胎 (Winter Tire)」