成日聽朋友講，來到溫哥華大失預算，冇諗過生活費咁貴，一家幾口幾萬蚊都唔夠用，今次小編就邀請了一個在溫哥華已「落腳」的三人小家庭，做了一個簡單訪問，比將要計劃來溫哥華的新朋友，有一個預算，知道本地生活環境係點樣：
受訪案例: 一家三口 (學簽＋工簽)
本身有沒有物業在溫哥華？來到是計劃買樓還是租樓？
沒有物業，來到都是租樓，在Richmond和Burnaby區搵屋租，一般在加幣$2000-$2500可以租到，視乎你想搵CONDO還是TownHouse，這個價錢TownHouse都9成係所謂既「劏房」，但面積當然比香港大很多，一般都有600-800尺，如果是CONDO就可能會細，但地點會比較方面，適合沒有車人士。租約通常要比1個月按金同第1個月租金，有些業主可以不比租繼（大家明點解），有些Landlorder就要預比3個月租金。這裡很特別，有部分屋會包水，電，媒，暖氣，或上網都包埋，如果唔包，生活開支大概$200~300左右
講開車，你們有沒有買車呢？
最開始還未Settle Down，選擇了租車，有許多公司都可以用國際牌，價錢不算太貴，最貴是保險，因為外國人必須買保險，總預算每天加幣$50，已經可以租一架SUV，短期內可解決問題。長遠還是要買車，你可以選擇二手或新車，二手車選一些有信譽的Dealer，一般都會做好Checking先比你，幫你安排好保險，價錢大概幾千加幣到幾萬加幣都有，很多選擇，如果想買新車，可以直接去Richmond AUTO Mall，應有盡有，入門級SUV大概$30000加幣有交易。同樣道理，車保是比較貴，特別是你還沒有本地車牌，二手車預計一年車保在＄2000-3000加幣左右，如果是新車，車保可以在$3800+年，視乎你買的型號，你住在那個地區等等（治安差的區，車保會再貴些），比起香港，台灣汽車保險是貴很多，所以要盡快考車，可大大降低車保價錢。
另外，在這邊大部分泊車都是免費，只要你跟足規定，沒有違規就可以，而你住的地方，通常都已包車位，或Street Parking，我地一個月的泊車錢是可以係$0，在香港駕駛基本上是不可能做到的事。
飲飲食食又點呢？有朋友話溫哥華出街食唔起，真係好貴？
Well，其實真係睇你點睇，確實，呢幾年物價真係升左好多，但一間中出街食飯還是可接受的，以Food Court做一個標準，例如你到MetroTown或Richmond Center大Food Court食，平均消費在加幣$18-20左右 (港幣$100-120左右)，正正常常食一餐，但後來發現，其實在街邊絕大部分食店，無論是小店或中高階食店，價錢都是差不多！現在經常到路邊餐廳食日本野，韓國菜，有不少驚喜，一家三口埋單都是$40-50加幣，其實跟香港差不多！
當然，長遠大部分時間都在屋企煮食，一個星期去幾次COSTCO，WALMART，大統華，入貨，再煮，當然會節省更多。
咁一般生活開支，例如電話，娛樂，小朋友讀書，又係點架？
其實，又係睇你想點生活，LifeStyle每個家庭都好唔同，我地就比較簡單，得閒去下圖書館（這裡的圖書館真的非常好），去下公園，例如一些Adventure Park，全部都免費，免費不等於唔好，又唔洗同人迫，簡簡單單又享受了一日，冬天可以去滑雪，一次性消費，要買大褸，雪鞋，手套，帽等等，每人預算加幣$300-$400左右。
電話費絕對是比香港，台灣貴，在$30-$40左右，12GB-20GB，仲要有些台接收真的很差，例如FREEXXX，其他買電話，電腦，你去COSTCO或AMAZON訂，其實又係同香港差唔多，買部55寸電視，都係$400-$500加幣左右，好抵玩。傢私方面，最緊要有IKEA，基本上又係可以同香港差唔多，款仲多，通常可以在IKEA食埋午餐，HEA一日先走。
小朋友讀書呢，視乎你用咩身份過來，大部分情況，PUBLIC SCHOOL是完全免費的，除非你要讀私校，就預千多蚊一個月，另外，你也可以去報興趣班，如公文式，畫班，游水，因人而異。
所以簡單總結，一個月三人家庭，大概總開支是多少呢？
以我們的情況，簡單生活，一星期出街4-5次食飯，大概$4000-$5000加幣左右。
*如果想分享你既家庭生活案例，歡迎電郵與我們編輯部聯絡：info@BcTour.org
